Azərbaycan, Bakı / Trend / Azərbaycanın Nəqliyyat Nazirliyi ilə Cənubi Koreyanın Tikinti və Nəqliyyat Nazirliyi arasında intellektual nəqliyyat sistemi sahəsində əməkdaşlığa dair qarşılıqlı anlaşma memorandumu imzalanıb.
Nazirlikdən verilən məlumata görə, imzalanan sənədə əsasən Cənubi Koreya Azərbaycana Bakıda intellektual nəqliyyat sisteminin yaradılmasında yardım göstərəcək. İlkin dəyəri 50-55 mln. dollar olan layihənin reallaşma müddəti 3 ildir.
Bakıda araşdırma aparan koreyalı mütəxəssislərin rəyinə əsasən, respublikada belə bir sistemin yaradılması mümkündür. Bu cür sistem mərkəzi dispetçer məntəqəsində nəqliyyat vasitələrinin hərəkəti və sürəti, dayanacaqlar, qəzalar, habelə yollardakı tıxaclar barədə məlumatların toplanmasına imkan yaradacaq.
