Azərbaycan, Bakı/ " müxbir İ.X / Bu gün Azərbaycanın Maliyyə Nazirliyi "2007-ci ilin dövlət büdcəsinə əlavə və dəyişikliklər haqqında" qanun lalyihəsini Nazirlər Kabinetinə göndərib. Bu barədə cümə günü nazirlikdən bildirilib. Dövlət büdcəsinin mədaxil hissəsi layihəsi müvafiq olaraq 400 mln. manat, xərclər isə 200 mln. manat artırılıb.
Əvvəl isə gəlirlərdə təqribən 6 faiz düzəliş olunması, proqnoz göstəricilərini 300 mln. manat artırmaq planlaşdırılırdı. Bu həcmlərin artırılması isə hökumətin maliyyə investisiya planları ilə bağlıdır. Belə ki, enerjidaşıyıcıların qiyməti artırıldıqdan sonra bu layihələrin də qiyməti bahalaşıb.
Hökumət büdcə xərclərinə 80 mln. manat dəyərində kənd təsərrüfatı subsidiyaları (gübrə və texnika alınması üçün), daha sürətli templə pensiya və maaşların, eləcə də ünvanlı dövlət sosial yardımının artırılmasını əlavə edib.
Büdcə düzəlişləri gəlir hissədə enerji daşıyıcılarının qiymətinin və aprelin birindən etibarən şərabçılıq məhsullarının idxalı üçün aksiz faizlərinin (1,5-2 dəfə) artması hesabına olacaq. Proqnozların isə ƏDV, ARDNŞ-in gəlir vergisi, Neft Şirkətinin yeraltı sərvətlərə görə ödədiyi vergilər üzrə artacaq.
Vergi gəlirləri həmçinin "Azərenerji" və "Azəriqaz"ın hesabına artacaq. Əmək haqqının artımı ilə əlaqədar gəlir vergisi də artacaq.
2007-ci il üçün təsdiq olunmuş büdcəyə əsasən gəlir hissə 5 mlrd. 335,7 mln. manat, xərclər 5 mlrd. 714,7 mln. manat müəyyən olunub. Büdcə kəsiri 379 mln. Manat, yaxud ÜDM-lə 1,7% olacaq.
