Azərbaycan, Bakı/ "Trend.Capital" / Mart ayında Bakının təkrar daşınmaz əmlak bazarında təkliflər fevral ayındakı 2,1 minə qarşı təqribən iki min olub. Bu barədə "Daşınmaz əmlak bazarının iştirakçıları" ictimai birliyinin məlumatında bildirilir.
Fevral ayında olduğu kimi, mart ayında da təkliflərin çox hissəsi Bakının Yasamal rayonunun payına düşüb. Bu rayondakı təkliflər ümumi göstəricinin 27 faizini təşkil edib.
Bakının Nəsimi rayonunda təkliflər 19,5 faiz, Nərimanov rayonunda 18,5 faiz təşkil edib.
| Rayonlar | Qiymət $m2 | İl ərzində artım % |
| Əzizbəyov | 568 | 0,4 |
| Binəqədi | 1027 | 1,7 |
| Qaradağ | 576 | 0,3 |
| Yasamal | 1253 | 8,2 |
| Nizami | 1040 | 8,1 |
| Nərimanov | 1241 | 1,5 |
| Nəsimi | 1355 | 2,1 |
| Sabunçu | 1033 | 3,6 |
| Suraxanı | 908 | 4,3 |
| Səbail | 1735 | 8,0 |
| Xətai | 939 | 7,3 |
Təkrar əmlak bazarında hər kvadratmetr üçün orta qiymət fevral ayına nisbətdə 1,4 faiz artaraq 1173 dollar təşkil edib.
Mart ayında təklif olunan evlərin sırasında mənzillərin qiyməti 63 min dollardan 75 min dollara qədər olub (ümumi təklif olunanın 29,1 faizi).
Mart ayında Bakının təkrar əmlak bazarında təkliflərin əsas hissəsini iki otaqlı (ümumi təklifin 35 faizi) və üçotaqlı (39 faiz) mənzillər təşkil edib.