Azərbaycan, Bakı/ "Trend.Capital" / Mart ayında Bakıda tikinti materiallarının qiyməti 0,4 faiz artıb ki, bu da 2006-cı ilin müvafiq dövrü ilə müqayisədə 21,8 faiz çoxdur. Bu barədə "Daşınmaz əmlak bazarının iştirakçıları" ictimai birliyinin məlumatında bildirilir.
Mart ayında yerli istehsal olan malların payı 33,8 faiz təşkil edib ki, bu da demək olar ki, ötən ilin əvvəlki ayları ilə müqayisədə eynidir.
Mart ayında ictimai birlik 86 növ və 41 adda tikinti materialının monitorinqini aparıb.
86 növdən 63-ü üzrə materialların qiymətində artım qeydə alınıb (karyer daşı 2,6 faiz; tikinti kərpiçi 0,3 faiz, ağac 0,1 faiz; dikt 0,4 faiz; armatur 0,5 faiz; metal boru 0,3 faiz), bir növ üzrə isə qiymətin azalması müşahidə olunub (emulsiya 0,8 faiz). Digər tikinti materiallarının qiyməti isə sabit qalıb.
Ötən ilin müvafiq dövrü ilə müqayisədə tikinti materiallarının qiymət indeksi 21,8 faiz artıb. Bu da yeni tikilən mənzillərin maya dəyərinin artmasına səbəb olub.
