Azərbaycan, Bakı/müxbir Trend S.Əliyev/4-6 iyun tarixində Avropa komissiyasının ekspertləri Bakıda TRASECA nəqliyyat dəhlizinin "Qara və Xəzər dənizlərinin dəniz magistralları (nəqliyyat marşrutları)" layihəsinin hazırlığı çərçivəsində nəqliyyat təsisatları nümayəndələri ilə görüşlər keçirəcək. Bu barədə adıçəkilən təşkilatın Azərbaycandan olan milli katibi Akif Mustafayev məlumat verib.
Onun sözlərinə görə, ekspertlər layihənin reallaşdırılması üçün texniki tapşırıq hazırlayacaq. Layihənin işlənməsinin gələn il başlanacağı nəzərdə tutulub. Layihənin dəyəri təxminin 2 mln. avro, reallaşdırılma müddəti 24 ay təşkil edir.
Layihənin məqsədi multimodal və intermodal daşımalar üçün şəraitin yaradılmasıdır.