Azərbaycan, Bakı/ Trend müxbir İ.Xəlilova/ Azərbaycan Milli Bankı (AMB) İpoteka Fonduna dövlət büdcəsindən əlavə maliyyə almaq üçün rəsmi olaraq hökumətə müraciət edib. Bu barədə çərşənbə günü AMB-nin idarə heyətinin sədr müavini Rüfət Aslanlı bildirib.
Banklar 54 mln. manat verib, dövlət büdcəsində isə son üç ilə bu məqsədlər üçün 46 mln. manat nəzərdə tutulub.
"Biz İpoteka fondunun bundan sonrakı maliyyələşdirilməsi üçün hökumətin müsbət cavab verəcəyinə ümid edirik. Bizim hesablamalarımıza gorə, qalan yarım ilə də elə ilin əvvəlindən sərf olunan qədər vəsait tələb olunur. İpoteka kreditlərinin verilmə tempini prezidentin bir müddət öncə Sərhəd xidməti, MTN və Daxili qoşunların hərbi qulluqçularının da daxil olduğu sosial ipoteka alanların siyahısının genişləndirilməsi barədə sərəncamı sürətləndirə bilər",-deyə Aslanlı söyləyib.
Bu gün maliyyə nazirinin müavini Azər Bayramovun bildiridiyinə görə, atlq əlavə vəsaitlərin təqdim olunması ilə bağlı məsələyə baxılır.
"Qraqif mövcuddur və biz bazarı çox qızışdırmaq istəmirik. Bu ay 3-5 mln. manatdan çox ayırma planlaşdırılmır",-deyə o söyləyib.