Azərbaycan, Bakı /müx. Trend S.Əliyev/ Bakı metropoliteni 2007-ci ildə yol təsərrüfatı üçün 440 ton R-50 markalı relsin alınması ilə bağlı tender elan edib.
Tender təklifləri qiymətləndirilərkən üstünlük aşağı qiymətə, yüksək keyfiyyətə, layihənin müvafiq zaman kəsiyində reallaşmasına, podratçının təcrübəsi və maliyyə durumuna veriləcək.
Avadanlığın gətirilməsi xərcləri göndərən tərəfin üstünə düşür. Tenderdə iştirak ərizəsi, bank ödəmələri və digər sənədlər 2007-ci il iyulun 24-dək təqdim olunmalıdır. Tender təklifləri 2007-ci il iyulun 30-dək verilməlidir. Tender zərflərinin açılması bu il iyulun 31-də keçiriləcək.