Azərbaycan, Bakı/ Trend / "Rabitəbank" ASC-nin faizli adlı sənədsiz istiqrazlarının yerləşdirilməsi texniki səbəblərə görə 25 iyuntarixinə keçirilib. Bu barədə cümə günü Bakı Fond Birjasının yaydığı məlumatda göstərilib. Yerləşdirmə daha öncə iyunun 22-nə təyin olunmuşdu.
Tarixin dəyişdirilməsinə baxmayaraq emitentin emissiya prospektində heç bir dəyişiklik olmayıb.
Emissiyanın həcmi 2 mln. manat, bir istiqrazın nominal dəyəri 200 manatdır. Istiqraz üzrə gəlirlilik 14,5 %, tədavül müddəti isə 450 gün təşkil edir.
Emissiya prospektinə əsasən, yerləşdirmə kütləvi təklif üsulu ilə Bakı Fond Birjası vasitəsi ilə keçiriləcək. İstiqrazların yerləşdirilməsində anderrayter vəzifəsində "Azəriqazbank" SİB çıxış edəcək.