Azərbaycan, Bakı /müx. Trend Ü.İsmayılova/ Paşa Sıgorta şirkəti iyulun əvvəlində Moody's-dən məsləhətçilər gözləyir. Məqsəd ISO-9001 beynəlxalq keyfiyyət sertifikatının alınması ilə bağlı işlərin yekunlaşdırılmasıdır.
Bu barədə çərşənbə günü Paşa Sığorta-nın baş direktor müavini Nofel Rzayev məlumat verib.
Onun sözlərinə görə, Moody's şirkətinin məsləhətçiləri Paşa Sığorta-nın idarəçiliyinin daxili auditi ilə bağlı işləri yekunlaşdırdıqdan sonra şirkətin korporativ idarəçiliyinin inkişafının hüquqi və maliyyə aspektlərini nəzərdən keçirəcəklər.
Paşa Sıgorta 2006-cı ildən fəaliyyət göstərir. Şirkət 28 növdə sığorta xidməti təklif edir. Şirkətin nizamnamə kapitalı 1,2 mln. manat təşkil edir.