Azərbaycan, Bakı /müx. Trend İ.Xəlilova/ Mugan Bank xarici fonda birjasında öz istiqrazlarını buraxan ilk Azərbaycan bankı olub. Bu barədə cümə axşamı bankın İdarə Heyətinin sədri Şaiq Ələkbərov məlumat verib.
"İlk dəfə olaraq biz öz istiqrazlarımızı Latviyanın fond birjasına çıxarmışıq. Emisiya həcmi 5 mln. dollar olduğu halda tələbat 150 faiz təşkil edib" - deyə o bildirib.
İstiqrazların yerləşdirilməsi məsələsində anderrayter rolunda Latviyanın Parex Bankı çıxış edib. İstiqrazların dövriyyə müddəti üç ildir. Ödəmələr isə hər altı aydan bir keçirilir.
Ödənmə 2010-cu il iyunun 26-sı üçün nəzərdə tutulub.
Ələkbərovun sözlərinə görə, 30-dək müraciət Latviya, Litva, Estoniya və İsveçrə investorları tərəfindən edilib. "Bunlar həm korporativ, həm də özəl şəxslər olub" - deyə o qeyd edib.
