...

Dövlət Baytarlıq Xidməti mal-qara arasında brüselyoza yoluxma hallarını azaltmaq niyyətindədir

Biznes və iqtisadiyyat xəbərləri Materials 24 İyul 2007 20:51 (UTC +04:00)

Azərbaycan, Bakı/ Trend müxbir S.Babayeva/ Azərbaycanın Kənd Təsərrüfatı Nazirliyi yanında Dövlət Baytarlıq Xidməti regionlarda mal-qara arasında brüselyozun müəyyən olunması üzrə araşdırma aparır. Çərşənbə axşamı Dövlət Xidmətindən verilən məlumata görə, heyvanlardan laboratoriyada yoxlanılmaq üçün qan nümunələri götürülür.

Artıq Biləsuvar, Qazax, Tovuz və Ağstafada müayinələr aparılıb. Hazırda İmişlidə müayinələr davam etdirilir.

Əvvəlki laboratoriya nəticələri əsasən xırdabuynuzlu heyvanların xəstəliyə yoluxduğunu göstərir.

"Biz 2007-ci ili brüselyozla mübarizə ili elan etmişik və mal-qara arasında xəstəliyə yoluxma hallarını əhəmiyyətli dərəcədə azaltmaq niyyətindəyik",-deyə XBX-dən bildiriblər.

Brüselyoz - infeksiyon-allergiyalı xəstəlikdir.

Brüselyozun insan üçün üç patogen növü ayrılır: xırdabüynuzlu heyvanda brüselyoz yaradan brüsella; iri buynuzlu heyvanda brüseyoz yaradan brüsella; donuzlarda brüselyoz yaradan brüsella.

İnsan üçün xəstəliyin əsas mənbəyi iri və xırda buynuzlu mal-heyvan və donuzlardır.

Brusell süddən, heyvan yunu, su və torpağın xəstə heyvanın sidik və ifrazatına bulaşmasından yayılır. Xəstəliyə hər yerdə rast gəlinir.

Xəbər lenti

Xəbər lenti