Azərbaycan, Bakı /müx. Trend S.Babayeva/ Aqrolizinq ASC fəaliyyətə başlayandan bəri dövlət bücdəsi vəsaitləri hesabına 555 kombayn, 1324 traktor və ekskavator, 2920 ədəd müxtəlif kənd təsərrüfatı texnikası və 77 min ton mineral kübrə alınıb. Bu barədə kənd təsərrüfatı naziri İsmət Abbasov Nazirlər Kabinetinin 2007-ci ilin birinci yarısında ölkənin sosial-iqtisadi inkişafının yekunlarına və gələcək vəzifələrə həsr olunmuş toplantısında məlumat verib. Toplantı Azərbaycan prezidenti İlham Əliyevin sədrliyi ilə keçib.
Nazirin sözlərinə görə, yeni texnoloji avadanlığın alınması üçün işlər aparılır.
Aqrolizinq ASC 23 oktyabr 2004-cü ildə prezident Əliyevin sərəncamı ilə yaradılıb. Müəssisənin fəaliyyəti aqrar sahənin yaxşılaşdırılması və sahibkarlığın inkişafı üçün torpaq sahiblərinə lizinq yolu ilə müxtəlif kənd təsərrüfatı texnikasının alınmasına yönəlib.
Müəssisənin 55 aqroservis filialı və 10 təchizat bazası var.