Azərbaycan, Bakı / Trend müxbir İ.Xəlilova/ Cümə axşamı Azərbaycanın İqtisadi İnkişaf Nazirliyindən verilən məlumata görə, Azərbaycan və Tacikistan ekspert qrupu azad ticarətə dair hökumətlərarası müqavilənin layihəsini razılaşdırıblar. Sənədin təsdiqi ilə iki ölkə arasında ixrac və idxal əməliyyatları gömrük rüsumlarından azad olunacaqlar. Analoji müqavilələrin qüvvədə olduğu digər ölkələrlə olduğu kimi Tacikistanla da gömrük rüsumu ödəniləcək malların siyahısı müəyyən olunacaq.
Azərbaycan Tacikistanla belə bir müqavilənin bağlanmasında maraqlıdır, belə ki, hazırda ixrac əməliyyatları idxal əməliyyatlarından çoxdur.
2006-cı ilin yekunlarına əsasən 131 mln. dollar təşkil edən ümumi ticarət dövriyyəsindən Tacikistandan olan idxalın payına 0,3 mln dollar düşür. İdxalın strukturunda alüminium məhsulları üstünlük təşkil edir, oksid alüminiumu, pambıq yağı, tütün və s. ixrac olunur. Ümumilikdə iki ölkənin ekspertləri tərəfindən 10 sənəd razılaşdırılıb, bu sənədlərin Tacikistan prezidenti İmaməli Rahmonun avqustun 13-14-də Bakıya səfəri zamanı imzalanacağı gözlənilir.