Azərbaycan, Gəncə/ Trend müxbir V.Məmmədov/ Gəncədə qızılın qiyməti təqribən 50 faiz artıb. Bu barədə qızıl alqı-satqısı üzrə ixtisaslaşmış "Nübar" mağazalar şəbəkəsinin sahibi Etibar Rzayev məlumat verib. Onun sözlərinə görə, aprel-may aylarında 538 əyarlıq qızılın 1 qramı 11-12 manat civarında olub. Hazırda isə 1 qram qızılın qiyməti 14-17 manatdır. O həmçinin qeyd edib ki, Gəncədə İtalyan qızılının 1 qramının qiyməti 15-17 manat arasında dəyişir. Rzayev bildirib ki, onlar 1 qram qızılı Bakı zərgərlik zavodundan 16,5 dollara alırlar.
...