Azərbaycan Sığortaçılar Assosiasiyası parlamentin payız sessiyasında sığorta haqqınada qanun layihəsini müzakirə edəcək
Azərbaycan, Bakı/ Trend müxbir Ü.İsmayılova/ Azərbaycan Sığortaçılar Assosiasiyasının xüsusi işçi qrupu ölkə parlamentinin payız sessiyasında sığorta haqqında qanunun müzakirəsində iştirak edəcək. Bu barədə bazar ertəsi Azərbaycan sığortaçılar assosiasiyasının icraçı direktoru Hidayət Abdullayev məlumat verib.
"Qanun layihəsinin müzakirəsində iştirak üçün işçi qrupunun yaradılması haqqında qərar Assosiasiyanın cümə axşamı keçirilən sonuncu toplantısında qəbul olunub",-deyə o söyləyib.
Abdullayev qeyd edib ki, yeni qanun layihəsi sığortaçıların yığıncağında əsas müzakirə mövzusu olub. Abdullayevin sözlərinə görə, sığortaçılar avqustun sonuna qədər qanunlayihəsinə əlavələrlə bağlı öz təkliflərini hazırlamaq qərarına gəliblər.
Azərbaycan Sığortaçılar Assosiasiyası may ayında Ədliyyə Nazirliyində qeydiyyatdan keçib. Assosiasiyanın müşahidə şurasının tərkibinə MSK, Azersigorta, Atesgah, Standart Insurance və Mbask sığorta şirkətləri daxildir.
Azərbaycanda hazırda 29 sığorta şirkəti mövcuddur.
