Azərbaycan, Bakı / Trend , müxbir U.İsmaylova/ Azərbaycanın ən iri sığorta şirkətlərindən biri olan "MBASK", yanvar-iyul aylarına olan yığım planını artıqlaması ilə yerinə yetirib. Bu barədə məlumatı "MBASK"ın İdarə Heyətinin sədri Cəmil Məlikov verib.
Məlikovun sözlərinə görə, 7 ay ərzində "MBASK"ın mükaftları 7 mln., ödəmələr isə 2,5 mln. manat təşkil edib.
Azərbaycan Maliyyə Nazirliyinin operativ məlumatına əsasən, "MBASK" 6 ay ərzində mükafatları 4,46 mln. manat, ödəmələri isə 1,47 mln. manata çatdırıb.
Azərbaycanın sığorta bazarında 1992-ci ildən fəaliyyət göstərən "MBASK" 29 formada sığorta xidməti təqdim edir ki, onlardan dördü vacibdir. Şrkətin nizamnamə kapitalı 2 mln. manat təşkil edir.
Azərbaycanda 29 sığorta şirkəti fəaliyyət göstərir.