Azərbaycan, Bakı / Trend , müxbir İ.Xalilova / Azərbaycanda gəmi tikintisi layihəsinin beynəlxalq təhlili Azərbaycan İnvestisiya Şirkəti (AİŞ) və Koreyanın STX holdinqi ilə birlikdə seçiləcək müstəqil konsaltinq şirkəti tərəfindən aparılacaq. Bu barədə bazar ertəsi AİŞ-in icraçı direktoru Anar Axundov məlumat verib.
"Bütün dünyada bu tipli layihələrin qiymətləndirilməsi təcrübəsinə malik olan Avropa, Koreya və digər şirkətlərin arasında namizədlər dəyərləndirilir" - deyə Axundov bildirib.
Layihənin birgə maliyyələşdirilməsi üzrə niyyət Memorandumu AİŞ və STX arasında 2007-ci il aprelin 24-də Seulda imzalanıb. Texniki iqtisadi əsaslandırma layihəsi STX şirkəti tərəfindən hazırlanır.
Koreya holdinqi əsas aksioner kimi, AİŞ isə 25 faiz iştirak payına malik olacaq.
Gəmiqayırma zavodu Azərbaycanın Qaradağ rayonunda yeni neft terminalı və limanın tikintisi layihəsini tamalayacaq. Bu terminaldan Qazaxıstan nefti Bakı-Tbilisi-Ceyhan kəməri vasitəsilə gələcək tranzit üçün Avropaya nəql olunacaq.
Qazaxıstan tankerləri digər Xəzər regionunun gəmiləri kimi Azərbaycanın gəmiqayırma zavodunda təmir oluna bilər. Güman edilir ki, müəssisənin regionda analoqu olmayacaq və gəmilərin hazırlanması üçün sifarişlər ölkə daxilində olduğu kimi, xaricdən də qəbul olunacaq.