Azərbaycan, Bakı / Trend , müxbir S.Əliyev/ Cümə günü Azərbaycan Respublikası Dövlət Neft Şirkətinin işlənmə üzrə vitse-prezidenti Davud Məmmədovun verdiyi məlumata görə, ARDNŞ-nin Heydər Əliyev adına Bakı NEZ və "Azneftyağ" neft emalı zavodlarında 7,63 mln. ton neft emal etmək planlaşdırılır. Bu həcm 2007-ci ilin emal göstəricilərindən çox olacaq.
ARDNŞ-nin vitse-prezidentinin sözlərinə görə, gələn il əsas diqqət benzin və dizel yanacağının istehsalına yönəldiləcək. Bu il Rusiyadan qaz idxalından imtina edilməsi ilə əlaqədar olaraq, Azərbaycan qış dövründə elektrik enerjisi istehsal etmək üçün mazutdan istifadə edib.
2007-ci ilin yanvar-noyabr ayları ərzində Azərbaycanın neft emalı zavodlarında, 2006-cı ilin analoji dövrünün 6,79 mln. ton göstəricisi ilə müqayisədə , 6,86 mln. ton neft emal olunub.
