Azərbaycan, Bakı, 07 fevral / Trend , müxbir İ.Xəlilova / 2008-ci ildə Azərbaycan hökuməti dövlət büdcəsindən "Bakıelektrikşəbəkə" Səhmdar Cəmiyyətininin inkişafına 70 mln.-dan artıq investisiya yatırmağı planlaşdırır,- ölkənin iqtisadi inkişaf naziri Heydər Babayev deyib. Bu vəsait 2008-ci ilin Dövlət İnvestisiya Proqramına daxil edilib. Hazırda proqram, təsdiq edilmək üçün Nazirlər Kabinətindədir.
"Dövlət, ölkə üçün starateji əhəmiyyət kəsb edən müəssisələrə dəstəyi davam etdirməyə hazırdır və bu, neft gəlirlərinin xərclənməsinin bir istiqamətidir", - nazir dəqiqləşdirib.
Bakı elektrik şəbəkəsinə investisiya yatırılması üzrə proqram, inkişaf və siyasət strategiyasına arxalanmalıdır, buna görə də 2010-cü ilədək uzunmüddətli dövrü əhatə edəcək. Müşahidə Şurasının qərarına əsasən, "Bakıelektrikşəbəkə" bu istiqamətdə pərakəndəlikdən qurtarmaq üçün məhz bu dövr üçün inkişaf stategiyasını hazırlayıb.
Elektrik şəbəkəsinin investisiya proqramı, əsasən, yeni yarımstansiyaların tikintisini, şəbəkənin fəsiləsiz işləməsini təmin edəcək infrastrukturu nəzərdə tutub. Maliyyə mənbəyinə dövlət büdcəsilə bərabər, şirkətin şəxsi vəsaitləri də aiddir.
Bakının elektrik təchizatı üçün ilkin investisiya həcmi $150 mln. səviyyəsində bildirilib.
2006-cı ilin avqustunda İqtisadi İnkişaf Nazirliyinin Bakı və Sumqayıt elektrik şəbəkələrinin Türkiyənin "Barmek" şirkətinə verilməsinə dair müqaviləni ləğv etməsindən sonra, onlar dövlət balansına qaytarılıb. "Barmek" şirkəti 2002-ci ilin yanvarından Bakı elektrik şəbəkəsini 25 illiyə, 2002-ci ilin oktyabrından isə, Sumqayıt elektrik şəbəkəsini və ölkənin şimal rayonlarını birləşdirərək, Sumqayıt elektrik şəbəkəsini öz idarəsinə götürüb. Bu ildə Sumqayıt elektrik şəbəkəsi ikinci dəfə, bu dəfə artıq yerli investora, idarəyə verilib . Hökumət, Bakı şəbəkəsinin dəstəyini büdcənin vəsaitələri hesabına davam etdirmək niyyətindədir. Bunun üçün 10 avqust 2006-cı il tarixli "Bakıelektrikşəbəkə" və "Sumqayıtelektrikşəbəkə" SC-lərin "Fəaliyyətin səmərəliliyinin artırılmasına dair tədbirlər haqda" Prezident fərmanında tapşırıqlar olub.