Azərbaycan, Bakı, 27 fevral / Trend , müxbir S.Əliyev/ Yanvar ayından 41 rayona verilən elektrik enerjisi üzrə yığılan vəsaitin həcmi 44,4 faizi təşlil edib. Bu haqda "Azərenerji"nin məlumatında xəbər verilir. Bu məbləğ keçən aya nisbətən ciddi şəkildə azalıb. Keçən ay ödəmələr 90 faiz təşkil edib.
Vəsaitin yığımı üzrə ən böyük həcm Zərdab rayonunda qeydə alınıb - 84,6 faiz, ən az isə, Sabirabad rayonunda olub - 18,4 faiz.
"Azərsu" SC istifadə olunmuş elektrik enerjisinin ümumi həcminin 10,3 faizini ödəyib. "Azəralüminium" SC - 29,7 faiz, Qaçqın və Məcburi Köçkünlərlə İş üzrə Dövlət Komitəsi -29,7 faiz və büdcə təşkilatları - 34,9 faiz ödəyib.
SC-nin məlumatında deyilir ki, bu orqanlar borclarını tamamilə ödəsəydilər, "Azerenerji"nin ümumi yığımı 44,4 faizdən artıq olardı.
