Azərbaycan, Bakı, 13 mart/ Trend , müxbir A.Bədəlova/ Neftin qiymətləri yeni rekord hədlərə çatmaqda davam edir. Bu həftə WTI növlü Amerika neftinin qiyməti ilk dəfə olaraq bir barelə $110 ötüb. Nyu-York Əmtəə Birjasında Light Sweet fyuçersi ilə əqdlər üzrə qiymətlər $109,92/barelə çatıb. Bir çox ekspertlərin rəyinə görə, qiymət artımı dünya valyuta bazarında dolların mövqeyinin zəifləməsi ilə şərtlənir.
Amerikanın Energy Securities Analysis (ESAI) analitik şirkətinin neft bazarı üzrə eksperti Endrü Ridin (Andrew Reed) rəyinə görə, neftin qiymətlərinin davam edən artım trendi dəyişkən hadisədir.
"Tədarüklər neft bazarına təsir göstərir. Neftin yüksək qiymətləri isə, istehlakçı tərəfindən dəstəklənə bilməz. Buna görə, düşünmürəm ki, neftin qiymət artımının bugünkü tendensiyası sabitdir", - cümə axşamı Rid Trend -a bildirib.
Amerikalı ekspert hesab edir ki, neftin qiymət artımı maliyyə bazarları ilə şərtlənir. Bu həftə dollar ABŞ-da indekslərin azalması fonunda öz tarixi minimumuna çatıb. Martın 13-də vahid Avropa valyutası ,5586 doll./avro göstəricisinə çatıb.
ABŞ-ın Energetika İnformasiyası Dövlət İdarəsinin (EİA) baş neft analitiki Duqlas Makintayr (Doug MacIntyre) Trend -a bildirib ki, 2008-ci ilin birinci yarısından sonra neftin qiymətləri aşağı istehlak artımı tempi və OPEK ölkələrində sabit xammal hasilatını əks etdirərək azalacaq. "Dünya iqtisadiyyatının yavaşlaması gözləmələri ötərsə və indiki gözləmələrlə müqayisədə aşağı neft istehlakı artımına səbəb olarsa, qiymətlərin azalaması baş verə bilər", - Makintayr bildirib.
Məqalə müəllifinin ünvanı: [email protected]
