Azərbaycan, Bakı, 14 mart/ Trend , müxbir S.Əliyev/ Azərbaycan Dövlət Neft Şirkətinin törəmə şirkəti - SOCAR Georgia Tbilisidə neft məhsullarının saxlanılması üçün iri neft bazasının tikintisi layihəsinin texniki-elmi əsaslandırılmasının hazırlanmasını başa çatdırır. Bu barədə cümə günü şirkətin rəhbəri Mahir Məmmədov məlumat verib.
Məmmədovun sözlərinə görə, neft bazasının tikilməsi layihəsinin dəyəri $15 mln. qiymətləndirilir. Şirkət bazanı il ərzində tikmək niyyətindədir.
Neft bazası Tbilisi beynəlxalq hava limanı ilə yanaşı, Kiziki küçəsində tikiləcək. Şirkət tikintinin həyata keçirilməsi üçün ötən il $3 mln. təqribən 5 hektar torpaq alıb. Yeni obyektin çənləri Gürcüstanın daxili bazarında reallaşdırılacaq 200 mln. tonadək neft məhsulları, o cümlədən mayeləşdirilmiş qaz saxlamağa imkan verəcək. Bazada benzinin müxtəlif növləri, kerosin, bitum, mayeləşdirilmiş qaz və mazut saxlanılacaq.
Məqalə müəllifinin ünvanı: [email protected]
