Azərbaycan, Bakı, 30 aprel / Trend , müxbir A.Bədəlova/ AMEC Beynəlxalq İnjinirinq Şirkəti Xəzərin Azərbaycan sektorunda mövcud dəniz qurğularının genişləndirilməsi çərçivəsində xidmət göstərilməsi üzrə "BP Azerbaijan" ilə beş illik müqavilə bağlayıb. Bu barədə "The Engineer Online" xəbər verir. Müqavilənin dəyəri təxminən 500 mln. dollar həcmində qiymətləndirilir.
Müqaviləyə əsasən, AMEC Azərbaycanda BP dəniz qurğularının genişləndirilməsi və yaxşılaşdırılması məqsədi ilə idarə mexanizmi və mühəndis işlərini təmin edəcək.
AMEC BP-nin "Çıraq", "Mərkəzi Azəri", "Qərbi Azəri", "Şərqi Azəri"və "Şah Dəniz" yataqlarındakı hasilat platformalarında, həmçinin "Günəşli" yatağının dərin sulu hissələrində quraşdırılan platformalarda işləyəcək. BP yatağın bu hissəsində artıq aprel ayında neft hasilatına başlayıb. Cari ilin sonuna qədər "Azəri-Çıraq-Günəşli" yataqlarındakı platformalardan hasil ediləcək neftin həcmi sutkada 1 mln. barelə çatacaq.
Müəlliflə əlaqə saxlamaq üçün elektron ünvan : [email protected]