Azərbaycan, Bakı, 08 may / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) "Neft daşları" Neft-Qaz Hasilatı İdarəsi (NQHİ) neftin saxlanılması üçün lazım olan dörd yeni çənin quraşdırılması üçün təmir və sahənin hazırlıq işlərini başa çatdırıb. Bu barədə cümə axşamı idarədən bildiriblər.
Artıq beşinci çən üçün sahə hazırlığı işlərinə başlanılıb. NQHİ ümumilikdə altı yeni çən quraşdırmağı planlaşdırır ki, onlardan da biri xammalın təmizlənməsi üçün istifadə olunacaq. Hər bir çənin həcmi 2000 ton, diametri - 15 metr, hündürlüyü - 12 metr təşkil edir.
Çənlər "Neft daşları" NQHİ-nin sifarişi ilə Heydər Əliyev adına Dərin Özüllər Zavodunda istehsal olunub. Zavod ilk dəfə bu növ çənlərin istehsalına başlayıb.
Müəlliflə əlaqə saxlamaq üçün elektron ünvan : capital
