Azərbaycan, Bakı, 19 may/ Trend , müxbir İ.Xəlilova/ Beynəlxalq "Xəzər Neft və Qaz, Neft emalı və Neft kimyası" (Caspian Oil and Gas 2008) 15-ci yubiley sərgisi çərçivəsində beynəlxalq konfransın işində iştirak üçün Rusiya Federasiya Şurası Ali Palatasının üzvü Ralif Safinin Bakıya səfəri gözlənilir. Bu barədə bazar ertəsi, Rusiyanın Azərbaycandakı ticarət nümayəndəsi Yuri Şedrin məlumat verib. "Xəzər Regionu: Neft və qaz kəşfiyyatında Azərbaycanın artan rolu" mövzusunda konfrans iyunun 4-5-də Bakıda baş tutacaq.
[2002-ci ilin iyununda Safin 2001-ci ildən tutduğu "LUKOYL-Avropa holding" şirkətinin prezidenti vəzifəsindən çıxıb və Federasiya Şurasında El Kurultay deputat korpusundan Altay Respublikasının nümayəndəsi olub.]
Konfransın birinci günündə Xəzər dənizi regionunun strateji inkişafı məsələləri, Xəzər dənizinin Azərbaycan bölməsində kəşfiyyat və hasilat, Azərbaycanda beynəlxalq əməkdaşlıq və sərmayələr, Xəzərin nefti və qazı ilə ticarət məsələləri müzakirə ediləcək.
Bundan əlavə, qonşu dövlətlər arasında, Çinlə əməkdaşlıq, Türkmənistanın tərəfdaş kimi artan rolu, Gürcüstanın limanları vasitəsilə gələcək ticarət, neft-qaz sektoruna əcnəbi sərmayələrin artması, regionda enerji təhlükəsizliyi və sabitlik məsələləri də nəzərdən keçiriləcək.
İştirakçılar konfransın ikinci günüdə Xəzərin neft-qaz ehtiyatlarının nəqlini müzakirə edəcəklər: Regional icmal, Cənubi Qafqaz boru kəməri layihəsi (SCP), TransXəzər qaz kəməri (TCGP), Kaşağandan neftin Aralıq dənizi ölkələrinə ixracı, BTC: sabit neft tədarükləri, Samsun-Ceyhan boru kəməri, Şərqi Xəzər qaz kəmərinin müqayisəli analizi, Türkiyənin Ceyhan limanından yüngül neftin nəqli: tender prosedurları, Qazaxıstanın Xəzər Nəqliyyat Sistemi (KCTS): gələcək inkişaf, İGİ layihəsi: ötən ilin nailiyyətləri, maliyyələşdirmə məsələləri, Nabukko qaz kəməri, ekoloji məsələlər, Cənubi Qafqaz boru kəməri (Bakı-Tbilisi-Ərzurum).
Azərbaycanın Sənaye və Energetika Nazirliyi və Azərbaycan Respublikası Dövlət Neft Şirkəti Caspian Oil and Gas 2008 sərgisinin keçirilməsində rəsmi dəstək göstərəcəklər.
Müəlliflə əlaqə saxlamaq üçün elektron ünvan: [email protected]
