Azərbaycan, Bakı, 20 may/ Trend / Azərbaycan Dövlət Neft Şirkətinin (ARDNŞ) "Neft Daşları" Neftqazçıxarma idarəsi üçüncü neft-qaz sahəsində iki maili quyunun qazılmasını başa çatdırıb. Bu barədə ARDNŞ -nin çərşənbə axşamı yayılan məlumatında deyilir. Hazırda quyuların mənimsənilməsi üzrə iş aparılır. Hər quyudan sutkada 10 ton neft hasil etmək planlaşdırılır.
Yatağın ilkin mənimsənilməsində iki maili quyunun qazılması üzrə işlər başa çatdırılıb. Bu quyuların mənimsənilməsi üzrə işlər artıq başa çatdırılıb. Bu quyulardan sutkalıq neft hasilatı 15 ton təşkil edəcək.
ARDNŞ geoloqlarının qiymətləndirmələrinə görə, "Neft Daşları" yatağında neftin qalıq həcmi 30 mln. ton təşkil edir. Dövlət Neft Şirkəti 2010-cu ilədək yataqdan neft hasilatını artırmaq üçün, 78 yeni quyu qazacaq, yeni platformaların tikintisi planlaşdırılır.
Son illərdə "Neft Daşları" yatağında iki platforma istismara verilib. Onlardan biri - beş blokdan ibarət 1887 saylı platforma 36, ikinci 2387 saylı platforma 12 quyuya hesablanıb. Bu platformalardan intensiv qazma işləri başlayıb və artıq 11 quyu istismara verilib.
Bu il "Neft Daşları"da 12 quyunun qazılması üçün 2521 saylı daha bir platformanı istismara vermək planlaşdırılıb.
Bu il "Neft Daşları" yatağında ümumilikdə 20 quyu qazılacaq.
