Azərbaycan, Bakı, 24 iyun / Trend , müxbir U.İsmayılova, E.İsmayılov/ Norveçin "StatoilHydro" şirkəti Azərbacynın "Şahdəniz" qaz- kondensat yatağınnın işlənməsi üzrə birinci və ikinci mərhələ çərçivəsində qaz hasilatının məcmu həcminin ildə 30 mlrd. kub metrə çatdırılmasının mümükün olduğunu hesab edir. Bu barədə çərşənbə axşamı "StatoilHydro Azerbaijan" şirkətinin prezidenti Kristian Hausken bildirib.
"Birincivə ikinci mərhələ üzrə qaz hasilatnın məcmu həcmi 20-30 mlrd. kub metrə çata bilər", - deyə Xausken bildirib. Layihənin birinci mərhələsində qaz hasilatı 2006-cı ilin sonundan başlanıb. İkinci mərhələdən qaz hasilatı 2013-cü ildə nəzərdə tutulub.
Şirkət rəhbər bildirib ki, "Şahdəniz" layihəsi üzrə tərəfdaşlar növbəti ilin birinci rübündə vacib qərar qəbul etməlidirlər. Bundan sonra layihənin təsdiqinədək digər mərhələlər gələcək. O, səhmdarların hansı qərarı qəbul etməli olduqlarını dəqiqləşdirməyib.
Hazırda, "Azerbaijan gas supply company" ("Statoil Hydro"nun operatoru olduğu "Şahdəniz" layihəsinin birinci mərhələsi çərçivəsində qaz satışı ilə məşğul olur) "Şahdəniz" layihəsi üzrə bir sıra məsələlərə dair Türkiyə ilə danışıqlar aparır. Bu xüsusilə, layihənin birinci mərhələsində tədarük olunan qaz dəyərinin artırılması, həmçinin ikinci mərhələ çərçivəsində qazın Türkiyə vasitəsilə mümkün tranzit məsələlərini əhatə edir.
"Türkiyə ilə danşıqların başa çatmasından sonra qaz ixracının üç istiqaməti müəyyənləşib - "Nabukko", Yunanstan-İtaliya və Bolqarıstan. Biz hazırda bu istiqamətlər üzrə alıcılarla danışıqları davam etdiririk", - deyə Xausken bildirib.
"StatoilHydro" Azərbaycanda fəaliyyətə başladığı vaxtdan (1992-ci il) 2007-ci ilin sonunadək neft- qaz layihələri çərçivəsində ölkə iqtisadiyyatına 4,1 mlrd. dollar məbləğində sərmayə yatırıb. Ötən il Azərbaycan iqtisadiyyatında şirkətin sərmayələri ı 0,7 mlrd. dollar olub.
Şirkət üç iri layihədə iştirak edir: "Azəri-Çıraq-Günəşli" (8,5633 faiz iştirak payı), "Şahdəniz" (25,5 faiz), "Araz-Alov-Şərq" (15 faiz).
"StatoilHydro" Azərbaycanın "Şahdəniz" qaz- kondensat yatağının işlənməsi üzrə layihənin iştirakçısı və kommersiya operatorudur. Bu şirkət də "Şahdəniz"in birinci reallaşdırılma mərhələsi çərçivəsində qaz satışına görə cavabdehdir.
Məqalə müəllifi ilə əlaqə ünvanı: Capital
