...

Oğuz – Qəbələ - Bakı boru kəmərinin tikintisi 2008 -ci ildə başa çatacaq

Energetika Materials 4 İyul 2008 19:00 (UTC +04:00)

Azərbaycan, Bakı, 04 iyul / Trend , müxbir E.İsmayılov/ Oğuz - Qəbələ-Bakı boru kəmərinin tikintisinin bu il başa çatdırılması planlaşdırılır, dəqiq tarix hələ müəyyən edilməyib. Bu barədə cümə günü "Azərsu" Açıq tipli Səhmdar Cəmiyyətinin rəhbəri Nizaməddin Rzayev bildirib.

Bu günədək 150 km - dən çox boru kəməri çəkilib. Rzayev bildirib ki, mənbədə artezian quyularının qazılması üzrə işlər davam etdirilir. Su kəməri səkkiz rayonun ərazisindən keçir. Burada mülkiyyətçilərin sayı 3974 nəfərdir. Onların payına 2365 ha torpaq sahəsi düşür.

Hazırda Bakıda su verilişi dörd mənbədə həyata keçirilir. Şəhərin su ilə təmin edilməsi iki əsas su təmizləyici qurğu kompleksi, 25 bölgə və 633 rayon nasos stansiyası, 1,5 km uzunluğunda magistral xətt və 2,9 min supaylayıcı xətt, 11 mərkəzi (902 min kubmetr tutumlu) və 147 min kubmetrlik 317 rayon su anbarı vasitəsilə həyata keçirilir. Bakıya saniyədə 12,8 kubmetr su daxil olur.

Xəbər lenti

Xəbər lenti