Azərbaycan, Bakı, 10 iyul / Trend /
Xəzər Dəniz Neft Donanmasının gəmi təmiri zavodu, ilk növbədə, neft-qaz sənayesinə cəlb olunan kran gəmilərinin növbədənkənar təmirini həyata keçirir. Bu barədə Azərbaycan Dövlət Neft Şirkətinin cümə axşamı yayılan məlumatında bildrilir. 100 tonluq "Şirvan-3" kranı təhvilverilib və "Günəşli" yatağına göndərilib. Yaxın vaxtlarda "Şirvan" kran gəmisinin təmiri başa çatacaq, sonra "Neft daşları" və "28 may" neftqazçıxarma idarələrinin "Neftqaztikinti" tresti üçün iri dəniz obyektlərinin tikintisinə, həmçinin, "Bahar" yatağına cəlb olunacaq.
Hazırda "Süleyman Vəzirov" boruquraşdırma gəmisinin, "İsmət Qayıbov" tankerinin, 40 tonluq "Atlet-5" kranının təmiri aparılır. Başqa gəmilərdə də təmir aparılması planlaşdırılır.
Əvvəllər "LUKOYL" şirkətinə məxsus olan "Astra" üzən qazma qurğusunda da təmir işləri aparılıb.
