Azərbaycan, Bakı, 31 iyul/ Trend / Yanvar-iyunda "Bakıelektrikşəbəkə" SC paylayıcı müəssisəsi istifadə edilmiş elektrik enerjisinin haqqının 75,1 faizini, "Sumqayıtelektrikşəbəkə" SC 74 faizini, regional elektrik təchizatı idarələri isə, 86,3 faizini ödəyib. Bu barədə "Azərenerji" SC-nin cümə axşamı yayılan məlumatında bildirilir.
Altı ay ərzində "Azərenerji"nin tərkibinə daxil olan regional enerji təchizatı idarələrinə istifadə edilmiş enerjiyə görə "Azərsu" SC tərəfindən 17,8 faiz, Qaçqın və Məcburi Köçkünlərlə İş üzrə Dövlət Komitəsi tərəfindən 43,9 faiz ödəmə həyata keçirilib.
İyunda paylayıcı müəssisələr tərəfindən elektrik enerjisinin topdan satışı üzrə ödəmə səviyyəsi 100 faiz təşkil edib. İyunda istifadə edilmiş elektrik enerjisinə görə "Bakıelektrikşəbəkə"yə 91,6 faiz, "Sumqayıtelektrikşəbəkə"yə 68,9 faiz regional enerji təchizatı idarələrinə (ötən aylara görə debitor borcları daxil olmaqla) 105,2 faiz ödənilib.