Azərbaycan, Bakı, 09 avqust/ Trend / Azərbaycanın Dövlət Neft Şirkəti (ARDNŞ) "Günəşli" yatağında yeni quyunun qazılmasını başa çatdırıb. Bu yatağın dayazsulu hissəsini ARDNŞ müstəqil şəkildə özü işləyir, - şirkətin məlumatında bildirilir.
"Günəli- 13" platformasından "Fasilə" lay dəstəsinə qazılan quyunun dərinliyi 2900 metr təşkil edib. Quyuyda qazma işlərini "SOCAR-AQS" birgə müəssisəsi həyata keçirib.
Şirkətin məlumatında bildirilir ki, oktyabrda ARDNŞ "Günəli- 13" plaftormasında yeni quyu istismara verməyi planlaşdırır. Quuyun "Fasilə" lay dəstəsinə qazılması planlaşdırılıb.
Quyunun layihə dərinliyi 2980 metr təşkile dir. Qazma işlərini "SOCAR-AQS" birgə müəssisəsi həyata keçirir.
Yeni quyuların qazılması 2008-2010 - cu illərdə "Günəşli" neft-qaz dəniz yatağını işləyən "28 may" Neft-Qaz Çıxarma Idarəsinin yeni inkişaf proqramı çərçivəsində həyata keçirilir. Proqram ARDNŞ tərəfindən təsdiqlənib. Proqram çərçivəsində neft hasilatının sabitləşdirilməsi və təbii qaz hasilatının artırılması planlaşdırılıb.
Proqram yeni obyektlərin tikintisini, qazma həcminin artırılması, neft-mədən avadanlığı və nəql-boru kəməri sisteminin müasirləşdirilməsi, platformaların əsaslı təmirini nəzərdə tutur.
"Günəşli" ARDNŞ - niın müstəqil şəkildə işlədiyi ən iri neft-qaz yatağıdır. Dövlət Neft Şirkətinin hasil etdiyi ümumi neft və qaz hasilatı həcminin, müvafiq olaraq, 60 və 70 faizi bu yatağın payına düşür.
