...

2009 - cu ildə dünyada neftə tələbat cəmi 1 faiz artacaq - OPEK

Energetika Materials 2 Sentyabr 2008 21:05

Trend-i buradan izləyin

Azərbaycan, Bakı, 02 sentyabr/ Trend , müxbir A.Bədəlova/ 2009 - cu ildə dünyada neftə sutkalıq tələbat 0,9 mln. barel - 87,8 mln. barelədək artacaq, OPEK-in neft bazarı üzrə məruzəsində bildirilir. Məruzə kartelin rəsmi saytında yerləşdirilib.

İqtisadi Əməkdaşlıq və İnkişaf Təşkilatına (İƏİT) daxil olmayan ölkələrdə neftə sutkalıq tələbat 2009 - cu ildə 1,2 mln. barel - sutkada 48,58 mln. barelədək artacaq. Gələn il keçmiş Sovet İttifaqı ölkələrində neftə sutkalıq tələbat 4,14 mln. barel olacaq.

OPEK-in proqnozlarına əsasən, 2008 - ci ildə dünyada neftə sutkalıq tələbat 1 mln. barel artımla 86,9 mln. barel təşkil edəcək. 2008 - ci ilin üçüncü rübündə dünyada neftə sutkalıq tələbat 86,82 mln. barel, dördüncü rübdə sutkada 50,18 mln. barel təşkil edəcək.

Cari ildə İƏİT ölkələrində neftə tələbat sutkada 48,86 mln. barel olacaq. 2008 - ci ildə keçmiş Sovet İttifaqı ölkələrində neftə sutkalıq tələbat 4,07 mln. barel olacaq.

OPEK-in proqnozlarına əsasən, 2008 - ci ildə kartelə daxil olmayan ölkələrin neft ixracı sutkada 0,58 mln. barel - suktada 50 mln. barelədək artacaq. Bu il İƏİT ölkələrinin neft ixracı sutkada 19,97 mln. barelə bərabər olacaq ki, bu da 2007- ci ildəkindən 0,17 mln. barel azdır. Keçmiş Sovet İttifaqı ölkələrinin neft ixracı həcmi sutkada 12,79 mln. barel olacaq ki, bu da 2007- ci il üzrə sutkalıq göstəricidən 0,27 mln. barel çoxdur.

2009 - cu ildə OPEK-ə daxil olmayan ölkələrin sutkalıq neft ixracı 0,95 mln. barel - sutkada 50,95 mln. barelədək artacaq.

Müəlliflə əlaqə saxlamaq üçün elektron ünvan: cap

Xəbər lenti

Xəbər lenti