Azərbaycan, Bakı, 06 sentyabr / Trend / Azərbaycan Dövlət Neft Şirkətinə məxsus "SOCAR Trading SA" treydinq şirkəti Azərbaycan nümayəndəliyini təsis edib. Bu barədə Respublikanın Vergilər Nazirliyinin məlumatında bildirilir.
"SOCAR Trading SA" dünya bazarlarına satılan Azərbaycan neftinin marketinqi ilə məşğul olur. Şirkətin ofisi Cenevrədə yerləşir. "SOCAR Trading SA" şirkətinin Nizamnamə kapitalı 5 mln. isveçrə frankı (Nominal dəyəri 100 isveçrə frankı olan 50 min səhm) təşkil edir.
"SOCAR Trading SA" şirkətinin rəhbəri Valeri Qolovuşkindir. O, 2005-ci ildən "LUKoyl" ASC-nin 100 faizlik törəmə müəssisəsi olan "LITASCO SC" şirkəti Direktorlar Şurasının sədri olub.
