...

BP Azərbaycanda "Şahdəniz" yatağının işlənməsi üzrə birinci mərhələ çərçivəsində hasilat həcmini açıqlayıb

Energetika Materials 6 Sentyabr 2008 14:29 (UTC +04:00)

Azərbaycan, Bakı, 06 sentyabr / Trend / Azərbaycanda "Şahdəniz" qaz - kondensat yatağının işlənməsi üzrə birinci mərhələ çərçivəsində ümumi qaz hasilatı həcmi 180 mlrd. kubmetr təşkil edəcək. Bu barədə layihənin texniki operatoru olan BP şirkətinin Azərbaycanda davamlı inkişafı üzrə hesbatında bildirilir.

"Şahdəniz" layihəsinin birinci mərhələsi çərçivəsində illik maksimum qaz hasilatı 8,6 mlrd. kubmetr qaz və 45 min barel qaz kondensatı təşkil edəcək.

2007-ci ildə yataqdan qaz hasilatı həcmi 7,7 mlrd. kubmetr və qaz kondensatı isə 16,3 mln. barel həcmində gözlənilir.

"Şahdəniz" yatağının işlənilməsinə dair saziş 1996 - cı il iyunun 4 - də imzalanıb. Saziş iştirakçıları bunlardır: BP (operator- 25,5%), Statoil (25,5%), NICO (10%), Total (10%), LUKAgip (10%), TPAO (9%), ARDNŞ (10%). Bu yataqda qaz ehtiyyatlarının ümumi həcmi 1,2 trln. kubmetr təşkil edir.

Yataqda qaz hasilatı 2006 -cı ilin dekabrında başlanıb. Hazırda qaz Cənub Qafqaz qaz kəməri vasitəsilə Gürcüstan və Türkiyəyə nəql olunur. Azərbaycan da bu qazın alıcısı qismində çıxış edir.

"Şahdəniz" yatağının işlənilməsi layihəsinin birinci mərhələsi çərçivəsində ildə 8,6 mlrd. kubmetr qazın hasil ediləcəyi gözlənilir. Hər il əldə olunacaq həcm Azərbaycan, Gürcüstan və Türkiyəyə satılacaq. Reallaşdırılmasına 2012-ci ildən sonra başlanacaq ikinci mərhələ çərçivəsində hasilat 20 mlrd. kubmetrədək artırılacaq.

Xəbər lenti

Xəbər lenti