Azərbaycan, Bakı, 08 sentyabr/ Trend /İlin sonunadək BP Azerbaijan şirkəti "Qərbi Azəri"yatağından 86,12 barel neft hasil edəcək. Bu göstərici 2007-ci ildə 62,53 mln. olub, - şirkətin "BP-nin 2007-ci ildə Azərbaycanda ardıcıl inkişafı"hesabatında deyilir.
"Mərkəzi Azəri"və "Şərqi Azəri"yataqlarından şirkət, müvafiq olaraq, 89,13 və 52,86 mln. barel neft hasil edəcək. Ötən il analoji dövrdə hasilat 89,13 və 45,18 mln. barel olub.
BP Azerbaijan 2008-ci ildə "Çıraq"yatağından 49,16 mln. barel neft hasil edəcək. 2007-ci ilin hasilat göstəricisində bu rəqəm 47,13 mln. olub.
2008-ci ildə "Günəşli"yatağından 30,31 mln. barel neft hasil ediləcək. Bu yataqda hasilat cari ilin aprelində başlayıb.
1997-ci ildən 2007-ci ilin sonunadək "Çıraq"yatağında 429,15 mln. barel, "Mərkəzi Azəri"( 2005-ci ilin fevralından 2007-ci ilin sonunadək) 216,13 mln.barel, "Qərbi Azəri" yatağından (2005-ci ilin dekabrından 2007-ci ilin sonunadək) 97,6 mln.barel, "Şərqi Azəri"yatağından (2006-cı ilin noyabrından 2007-ci ilin sonunadək) 49,4 mln. barel neft hasil edilib.