...

Türkiyə Azərbaycan qazının idxalını nəzərəçarpacaq dərəcədə artırıb

Energetika Materials 27 Sentyabr 2008 14:30

Trend-i buradan izləyin

Azərbaycan, Bakı, 27 sentyabr/ Trend / Türkiyənin "Botas" dövlət boru kəməri şirkəti cari ilin yanvar-avqustunda Azərbaycandan 2,977 mlrd. kubometr qaz idxal edib ki, bu da 2007-ci il göstəricisindən 1,7 mlrd. kubmetr çoxdur. Bu barədə şirkətin rəsmi saytında yerləşdirilən məlumatında bildirilir.

Azərbaycan "Şahdəniz" yatağından hasil etdiyi qazı Cənubi Qafqaz boru kəməri vasitəsilə Türkiyəyə ixrac edir.

"Botas" 2008-ci ilin yanvar-avqustunda müxtəlif mənbələrdən Türkiyəyə 2007-ci ildə qeydə alınan 36,5 mlrd. kubmetrə nisbətdə təqribən 25,6 mlrd. kubmetr qaz idxal edib. Bu dövr ərzində Türkiyəyə Rusiyadan təqribən 16 mlrd. kubmetr qaz idxal olunub ki, bu da ötən ilin göstəricisindən 7,3 mlrd. kubmetr azdır. Türkiyə İrandan təqribən 2,7 mlrd. kubmetr qaz qaz idxal edib ki, bu da 2007-ci ildə 6,2 mlrd. kubmetrə bərabər olub.

Türkiyə yanvar-avqust aylarında Əlcəzair və Nigeriyadan müvafiq olaraq 2,984 mlrd. kubmetr və 799 mln. kubmetr maye qaz idxal edib.

"Şahdəniz" yatağının işlənilməsinə dair saziş 1996 - cı il iyunun 4 - də imzalanıb. Saziş iştirakçıları aşağıdakılardır: BP (operator- 25,5%), Statoil (25,5%), NICO, Total, LUKAgip (10%), TPAO (9%), ARDNŞ (10%).

Xəbər lenti

Xəbər lenti