Azərbaycan, Bakı, 08 oktyabr/ Trend , A.Bədəlova/ABŞ - ın Enerji İnformasiyası Dövlət İdarəsi (EIA) 2009 - cu ildə Azərbaycan neftinin dünya bazarlarına ixrac artımının 32,6 faiz - sutkada 1,22 mln.barel olacağını proqnozlaşdırır, - çərşənbə günü Trend -a EIA-dan bildiriblər.
Azərbaycan neftinin ixracının 2009 - cu ildə artımı, "Azəri - Çıraq - Günəşli"yatağında Azeri Light hasilatının artması ilə bağlı olacaq. Yüngül neft Bakı -Tbilisi - Ceyhan boru kəməri vasitəsilə tədarük edilir.
EIA - nın məlumatlarına görə, beynəlxalq bazarda Azərbaycan neftinin xüsusi çəkisi 2009 -cu ildə 1,4 faiz təşkil edəcək. Növbəti il OPEC - in neft tədarükünün ümumi həcmi sutkada 37,28 mln. barel, təşkilata üzv olmayan ölkələrin isə, 49,51 mln.barel təşkil edəcək.
Bu il Azərbaycan neftinin ixracı sutkada 0,92 mln.barel olacaq. Bu göstərici 2007-ci ildə 0,85 mln.barel olub.
