Azərbaycan, Bakı, 16 oktyabr / Trend / SOCAR-ın (Azərbaycan Dövlət Neft Şirkəti) tərkibinə daxil olan Bakı neft emalı zavodları (NEZ) - Heydər Əliyev adına NEZ (keçmiş "Azerneftyanacag") və "Azerneftyag" yanvar- sentyabrda 4,6 mln. tondan çox neft emal ediblər. Bu müəssisələrdə neft məhsulları istehsalı ötən ilin analoji dövr göstəricisinə nisbətdə altı faiz artıb.
Azərbaycan Dövlət Statistika Komitəsindən verilən məlumata görə, avtomobil benzini istehsalı ötən illə müqayisədə 9,5 faiz, dizel yanacağı 16,6 faiz, bitum 16 faiz, sürtkü yağı 10 faiz artıb. Yanvar-sentyabrda kerosin, mazut və nafta istehsalı azalıb.
2008 - ci ildə Azərbaycanda neft məhsulları istehsalı:
| 2008 - ci il yanvar-sentyabr (min ton) | 2007 - ci ilin yanvar-sentyabrına nisbət (%) | |
| Avtomobil benzini | 932,1 | 109,5 |
| Kerosin | 572,6 | 95,6 |
| Yanacaq mazutu | 862,6 | 45,1 |
| Dizel yanacağı | 1820,4 | 116,6 |
| Neftbitum | 151,8 | 116 |
| Sürtkü yağı | 46,4 | 110 |
| Nafta | 225,6 | 54 |
