Azərbaycan, Bakı, 20 oktyabr/ Trend , müxbir E.İsmayılov/ 2010 - cu ildə "Azərenerji" SC MDB -nin ən güclü elektrik stansiyası - "Cənub" stansiyasını istifadəyə verməyi planlaşdırır. Bu barədə bazar ertəsi "Azərenerji" Səhmdar Cəmiyyətinin (SC) rəhbəri Etibar Pirverdiyev bildirib. Stansiyanın tikintisinə artıq başlanıb, bir neçə ay rəznidə ilk avadanlıq partiyasının gətriləcəyi gözlənilir.
"MDB - də bu tipli, belə gücdə stansiya yoxdur", - deyə Pirverdiyev bildirib.
Yeni elektrik stansiyasının gücü təqribən 800 meqavat təşkil edəcək. Onu Azərbaycanın AZENCO şirkəti tikir. "Bu stansiyanının əvvəldən axıradək tikintisi ilə adı çəkilən şirkət məşğul olacaq, xaricdən yalnız avadanlıq alınacaq", - deyə Pirverdiyev bildirib.
Stansiyada dörd qaz və iki buxar turbini olacaq. Tikinti üçün istifadə olunan bütün texnologiyalar Amerikanın "General Electric" şirkətinin istehsalıdır.
Üç bank - "Bayerische landesbank", "Societe Generale" və "Credit Suisse"dən ibarət olan Konsorsium layihənin maliyyələşdrilməsi üçün 300 mln. avro ayırıb. Kredit dövlət zəmanəti altında 10 il müddətinə verilib. Bank Konsorsiumunun kredit vəsaitləri stansiyanın tikintisi ilə bağlı işlərin dəyərinin yarısını ödəyəcək. "Cənub" həm qaz, həm də mazut ilə işləyəcək.
Məqalə müəllifi ilə əlaqə ünvanı - [email protected]
