...

SOCAR şirkəti Türkiyədə NEZ-in tikintisi mərhələlərinin ardıcıllığını dəyişib

Energetika Materials 30 Oktyabr 2008 21:16

Trend-i buradan izləyin

Azərbaycan, Bakı, 30 oktyabr/ Trend müxbir E.İsmayılov/ "Türkiyədə Petkim kimya holdinqinin xammala təchiz edilməsi ilə əlaqədar zəruri olan neft emalı zavodunun tikintisi üçün (NEZ) SOCAR - Turkas Rafineri şirkəti yaradılıb", - SOCAR şirkətinin (Azərbaycanın Dövlət Neft Şirkəti) yüksəkvəzifəli nümayəndəsi bildirib.

"Biz layihənin həyata keçirilməsi üçün Türkiyəyə xüsusi şirkət yaratmışıq və icazənin alınması üçün bu ölkənin müvafiq orqanlarına müraciət etmişik. İşlər plan üzrə gedir", - SOCAR-ın nümayəndəsi bildirib.

NEZ Petkim kimya müəssisəsini benzinlə təmin edəcək. Zavodun tikintisinə ən azı dörd il tələb olunur. NEZ-ə yatırılacaq sərmayələr ilkin olaraq $4-5 mlrd. qiymətləndirilir. Zavodun gücü ildə 10 mln. tonadək olacaq. NEZ-in tikintisini 2012-ci ildə başa çatdırmaq planlaşdırılır.

SOCAR-ın planlarına Ceyhan limanında Türkiyənin daxili bazarını təmin edəcək və ixraca işləyəcək daha bir NEZ-in tikintisi daxildir. SOCAR-ın nümayəndəsi bildirib ki, şirkət iki NEZ-in tikintisi mərhələlərinin ardıcıllığını dəyişib.

"Türkiyədə prioritetlərimiz dəyişib. Çox ehtimal ki Petkim üçün (müəssisənin xammalla təmin edilməsi üçün) neft emalı zavodunu birinci, Ceyhanı isə ikinci növbədə (tikməyə) başlayacağıq", - SOCAR-ın nümayəndəsi bildirib.

Türkiyə hökuməti Ceyhan limanı rayonunda NEZ-in tikintisinə üç ərizə alıb. NEZ-i tikmək istəyən üç şirkətlər qrupu yaranıb. Birinci - Türkiyənin Calik Enerji, Qazaxıstanın "KazMunayqaz" və Hindistanın Oil İndia şirkətlərindən ibarətdir. İkinci Turcas və Azərbaycanın SOCAR şirkətidir. Üçüncü isə Türkiyənin Petroil offici və Avstriyanın OMV şirkəti.

NEZ yüksəkoktanlı benzinin bütün növlərini, mazut, dizel yanacağı, aviasiya kerosini və neft kimyası məhsulları istehsal edəcək. Bu gün Türkiyənin neft məhsullarına olan tələbatı 32 mln. tondan çoxdur. Ölkədə olan beş zavod 26,5 mln. ton neft məhsulu istehsal edir, qalan həcmləri isə ölkə Rusiya və İtaliyadan idxal edir. Mütəxəssislərin proqnozlarına əsasən, 2010-cu ildə Türkiyədə neft məhsullarına tələbat 34 mln. ton, 2012-ci ildə isə 43 mln. tonadək artacaq.

Socar/Turcas Petrol/Injaz Projects şirkətlər alyansı Türkiyənin Petkim kimya holdinqinin 51 faizlik səhm paketinə görə $2,04 mlrd. ödəyərək holdinqin satışı üzrə tenderin qalibi olub.

SOCAR/Turcas/Injaz-ın Petkim-istehsalat imkanlarının müasirləşdirilməsinə investisiyaları bu müəssisənin Türkiyə bazarındakı rolunu hazırki 27 faizdən 40 faizədək artıracaq. Hazırda Türkiyə lazımi kimya məhsullarının 70-75 faizini idxal edir. SOCAR/Turcas/Injaz-ın Petkim-in inkişafına investisiyaları məhsul idxalını 30 faizədək azaltmağa imkan verəcək. Hər il Türkiyə bazarında kimya məhsullarına olan təlabat 12 faizədək artır.

Petkim plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddə birini ixrac edir.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti