Azərbaycan, Bakı, 14 noyabr/ Trend , müxbir A.Bədəlova/ ABŞ -ın Dövlət Enerji İnformasiyaları İdarəsi (EIA) 2009 - cu ildə OPEK mənfəətlərinin 384 mlrd. dollar azalaraq 595 mlrd. dollara çatağacını proqnozlaşdırır. 2008 -ci ildə bu rəqəm 979 mlrd. dollara bərabər olub.
Cari ilin yanvar- oktyabr ayları ərzində kartelin neft ixracından mənfəətləri 884 mlrd. dollar təşkil edib.
EIA-nın qiymətləndirməsinə görə, 2007 - ci ildə OPEK-in mənfəəti 2006 -cı illə müqayisədə, 10 faiz artıb. Ötən il mənfəətin böyük hissəsi Səudiyyə Ərəbistanının payına düşüb - 194 mlrd. dollar və ya 2007- ci ildə kartelin ümumi gəlirlərinin 29 faizi.
EIA - nın qiymətləndirməsinə görə, 2008 - ci ildə OPEK-in ümumi tədarükü sutkada 36,91 mln. barel təşkil edəcək. 2007- ci ildə bu göstərici 35,42 mln. barelə bərabər olub. Proqnozlara əsasən, 2009 - cu ildə tədarük həcmi sutkada 0,39 mln. barel azalaraq, 36,52 mln. barelə çatacaq.
Dövlət Enenrji İnformasiyaları İdarəsi ABŞ -ın Enerji Departamentinin strateji agentliyidir. İdarə 1977-ci ildə Konqres tərəfindən yaradılıb.
Məqalə müəllifi ilə əlaqə ünvanı - [email protected]
