Azərbaycan, Bakı, 20 noyabr/ Trend , müxbir İ.Xəlilova/ Beynəlxalq Maliyyə Korporasiyası (BMK) Azərbaycanın 100 - dək şirkətində enerji səmərəliliyi vəziyyətinin monitorinqinə başlayıb, - Korporasiyanın Bakı ofisindən cümə axşamı bildiriblər.
"Monitorinqin nəticələrinə 2009 - cu ilin yanvar-fevralında yekun vurulacaq", - BMK-dan bildiriblər.
BMK 2005 - ci ildə enerjiyə
qənaətə sərmayələrin
stimullaşdırılması üzrə proqramın
realizəsinə başlayıb. Proqram enerji
səmərəliliyinin artırılmasına
yönəlmiş layihələrin
maliyyələşdirilməsinə yardım üçün
nəzərdə tutulub.
Proqram iki hissədən ibarətdir: sərmayə
istiqaməti və məsləhət dəstəyi.
BMK sərmayə istiqaməti çərçivəsində, bank və lizinq şirkətlərinə kredit xətləri təqdim edir, onlar isə, enerjiyə qənaət sahəsində konkret layihələri maliyyələşdirirlər.
Məsləhət və tədris dəstəyinə daxildir: maliyyə, hüquqi və texniki məsələlər üzrə fərdi məsləhətlər, enerji baxımından səmərəli texnologiyalara sərmayə yatırılması məsələləri üzrə praktiki seminarlar.
Korporasiya bu proqram çərçivəsində MDB ölkələri arasında ilk sərmayələri Rusiyada həyata keçirib. Yalnız son üç ildə Rusiya bankları vasitəsilə enerji baxımından səmərəli layihələrin maliyyələşdirilməsinə 200 mln. dollar ayrılıb. Maliyyə Korporasiyası yaxın üç ildə Rusiyada enerji baxımından səmərəli layihələrə təxminən bir milyard dollar vəsait yatırmaq niyyətindədir. Bu vəsaitlər bərpa olunan enerji layihələrinə, "təmiz" istehsalın yaradılması layihələrinə yatırılacaq.
Hazırda BMK Ukrayna, Belarus, Gürcüstan və Ermənistanda da layihələrin realizəsinə başlayıb.
Müəlliflə əlaqə saxlamaq üçün elektron ünvan - [email protected]
