Azərbaycan, Bakı, 27 noyabr/ Trend / SOCAR şirkəti (Azərbaycanın Dövlət Neft Şirkəti) aprel - oktyabrda Gürcüstana təxminən 512 mln. kubmetr qaz ixrac edib, - SOCAR - ın məlumatında bildirilir.
Oktyabrda ixrac həcmi təxminən 59,5 mln. kubmetr qaz təşkil edib. Gürcüstana qaz ixracı apreldə başlayıb.
Sutkada Gürcüstana təxminən 1,5 mln. kubmetr qaz ixrac edilir. SOCAR - ın müstəqil işlədiyi yataqlardan hasil etdiyi şəxsi qazı var
Mayda SOCAR İrana 30 mln. kubmetr şəxsi qazını ixrac edib. İxracat "Azəriqaz" QSC - nin boru kəmərləri ilə həyata keçirilir. Qaz İİR- ə 1 min kubmetrinə görə 300 dollar qiymət üzrə ixrac edilib.
Azərbaycan və İranı 1474,5 km uzunluğunda Qazıməmməd - Astara - Bind - Biand qaz kəməri bağlayır. Onun Azərbaycan ərazisindən keçən hissəsinin uzunluğu 296,5 kilometrdir. Buraxma gücü ildə 10 mlrd. kubmetrdir. Bu marşrut 1971 - ci ildə istismara verilmiş Qazax - Astara - Iran boru kəmərinin bir qoludur. Qazıməmməd, Ağdaş və Qazaxda üç kompressor stansiyası tikilib. Qaz nəqli sistemi 55 atm. təzyiqə hesablanıb. Boru kəmərinin diametri 1200 mm - dir.
