Azərbaycan, Bakı, 19 yanvar/ Trend , müxbir E.İsmayılov/
"Azəriqaz" QSC Azərbaycan qazının Gürcüstana ixracının artırılmsı layihəsi çərçivəsində, Ağdaşda (Qərb regionu) qaz - kompressor stansiyasının bərpası üzrə işləri başa çatdırıb, - QSC-də işlərə yaxın mənbə bazar ertəsi bildirib.
"Təmir işləri başça çatıb və stansiya işlək vəziyyətə gətirilib. Zərurət yaranarsa, stansiya işə salınacaq", - mənbə deyib.
Mənbənin əvvəllər bildirdiyinə görə, bəzi sahələrdə qərb istiqamətində Gürcüstan sərhədinədək gedən qaz kəmərinin təmiri üzrə də iş aparılır.
Bu boru kəməri ilə Gürcüstan hökuməti SOCAR arasında müqavilə çərçivəsində sutkada 5 mln. kubmetr qaz nəql olunur. Qazın kəmərlə nəqlinin artırılması məqsədilə, nəqletmənin maksimal təzyiqi 10 atmosferdən 20 atmosferədək artırılıb.
Noyabrda Azərbaycan və Gürcüstan arasında saziş imzalanıb. Saziş 2009- cu ildən başlayaraq, qarşıdakı beş il ərzində SOCAR-ın Gürcüstan bazarında aktiv fəaliyyətinə imkan yaradacaq. Memoranduma əsasən, SOCAR layihənin realizəsi üçün öz törəmə şirkətini yaradacaq və həmin şirkət vasitəsilə Gürcüstan hökumətinin müəyyən etdiyi qaz istehlakçılarının qrupunu (sosial qrupları) təmin edəcək.
Gürcüstan tərəfi qarşıdakı 5 il müddətində Rusiya qazının tranziti, Azərbaycan qazının Cənubi Qafqaz boru kəməri ilə tranziti və Azərbaycanın "Şahdəniz" yatağından hasil edilən kommersiya qazına görə Gürcüstana çatacaq qaz həcmlərini təsbit edilmiş qiymətlərlə SOCAR-ın törəmə şirkətinə satacaq.
Müəlliflə əlaqə saxlamaq üçün elektron ünvan: [email protected]
