Qazaxıstan, Astana, 23 yanvar/ Trend , müxbir K.Konırova/
"KazMunayqaz" (KMQ) şirkəti öz fəaliyyətinin əsas istehsal və maliyyə göstəriciləri üzrə artımı təmin etməkdə davam edir, - şirkətin İctimaiyyətlə Əlaqələr Departamentinin direktoru İlya Pustoqaçov bildirib.
"Operativ məlumatlara görə, 2008-ci ildə "KazMunayqaz"
şirkətlər qrupu üzrə birləşdirilmiş
neft və qaz kondensatı həcmi 2007-ci ilin
göstəricisini 8,2 faiz qabaqlayaraq 18 mln. tondan çox
təşkil edib", - Pustoqaçov vurğulayıb.
Onun sözlərinə görə, 2008-ci ildə
birləşdirilmiş neft emalı 10,3 mln. tona çatıb
ki, bu da əvvəlki ilin müvafiq göstəricisindən
1,8 dəfə çoxdur.
2008-ci ildə magistral boru kəmərləri ilə neft
nəqlinin həcmi 2007-ci ilin göstəricisini 19,2 faiz
qabaqlayaraq 60,6 mln. ton təşkil edib.
2008-ci ildə qaz nəqlinin həcmi 114,9 mlrd. kubmetr təşkil edib ki, bu da 2007-ci ilin göstəricisindən 0,6 faiz çoxdur.
"Planlaşdırılmış istehsal səviyyəsinin əldə edilməsi və 2008-ci ilin birinci yarımilində yüksək qiymət konyukturası "KazMunayqaz" SC-nin maliyyə-iqtisadi indikatorlarının yüksək səviyyəsini saxlamağa imkan verib", - departament direktoru bildirib.
Onun məlumatlarına görə, KMQ-nin
birləşdirilmiş gəliri 2,9 trln. təngə
təşkil edib ki, bu da 2007-ci ilin göstəricisindən iki
dəfə çoxdur.
"Birləşmiş mənfəət 318 mlrd. təngə təşkil edib. Bununla yanaşı, ölkə büdcəsinə müxtəlif ödənişlər şəklində 536 mlrd. təngədən çox vəsait köçürülüb. 2007-ci illə müqayisədə 2008-ci ildə dövlət büdcəsinə ödənişlər 1,7 dəfə artımla təmin edilib", - Pustoqaçov əlavə edib.
Hesabat dövründə KMQ-nin kapital yatırımlarının həcmi təxminən 613 mlrd. təngə təşkil edib ki, bu da 2007-ci ilin göstəricisindən 2,6 dəfə çoxdur.
Müəlliflə əlaqə saxlamaq üçün elektron ünvan: [email protected]
