Azərbaycan, Bakı, 12 mart / Trend /
"Bu günədək Azərbaycan elektrik enerjisi sahəsinə dövlət təminatı ilə cəlb edilən xarici kreditlər hesabına 1,2 milyard dollardan çox sərmayə qoyulub", - Nazirlər Kabinetinin 2008-ci ildə fəaliyyəti ilə bağlı hesabatında deyilir. Elektrik enerjisi neft sektorundan sonra sərmayələr baxımından ikinci lider sahədir.
Sərmayələr yeni elektrik stansiyalarının, yüksək gərginlikli xətlərin və yarımstansiyaların tikintisinə, eləcə də paylayıcı xətlərin texniki yenidənqurmasına yönəldilib.
Hazırda ölkənin enerji gücü 5740 Мvt-dır. Azərbaycan enerji sistemi özündə 16 elektrik stansiyasını ehtiva edir ki, onlardan 11-i İstilik Elektrik Stansiyaları [4772 Мvt], qalan beşi isə - Su Elektrik Stansiyalarıdır [968 Мvt].
Ümumiyyətlə 2008-ci ildə ölkədə 21,6 milyard kvt/s elektrik enerjisi istehsal olunub ki, onun da 21,2 milyard kvt/s-i "Azərenerji" SC-nin payına düşüb.
Həmçinin 24 kiçik [baza və zirvə gücü 430 Mvt] elektrik stansiyalarının tikintisini nəzərdə tutan xüsusi proqram da hazırlanır. Yeni stansiyaların tikintisi enerji sisteminin zirvə gücünün, ölkə enerji təhlükəsizliyinin, suvarılan torpaqların həcminin artmasına, karbohidrogen məhsulların elektroenergetikada istifadəsinin azaldılmasına yardımçı olacaq.
