Premiumİran və Suriya neft-qaz sahəsində müqavilə imzalayıblar

İran və Suriya neft-qaz sahəsində müqavilə imzalayıblar. Müqaviləyə əsasən, İran qazı Avropaya İraq və Suriya ərazisindən keçərək nəql olunacaq.  Məlumatı İranın MEHR informasiya agentliyi yayıb.

Müqaviləni İranın neft naziri Qulam Hüseyn Nozari və Suriyanın neft və mineral resurslar naziri Sofian əl-Alao imzalayıb. Bu müqaviləyə əsasən, İran və Suriya ümumi neft şirkəti yaradaraq neft və qaz sahəsində əməkdaşlıq edəcək.

Müqavilədə İraq, Suriya, Aralıq dənizi, Yunanıstan və İtaliyaya Fars boru kəmərinin çəkilməsi, Suriyada tikilən neft hasilatı zavodunun, həmçinin Türkiyə ərazisindən keçərək İrandan Suriyaya qaz nəql edən qaz kəmərinin çəlikməsi işlərinin sürətləndirilməsi öz əksini tapıb.

İlin sonuna kimi İran qazının Türkiyə ərazisindən keçərək Suriyaya nəql edilməsi razılaşdırılıb.