Hindistanın ONGC qaz şirkəti İranın Fərzad qaz yatağından qaz istehsal etmək məqsədi ilə üç milyard dollar sərmayə yatıracaq. Bu barədə MEHR xəbər agentliyi məlumat yayıb.
"Fərzad qaz yatağından 1.1 milyard kubmetr qazın istehsalında iştirak etmək üçün İranın Neft Nazirliyi rəsmilərinə təklif göndərmişik", - deyə ONGC şirkətindən bildiriblər.
Şirkətdən həmçinin bildiriblər ki, əgər İran tərəfi razılaşarsa, ONGC şirkəti Fərzad qaz yatağına 3 milyard dollar sərmayə yatıracaq.
Fərzad qaz yatağından istehsal olunan qaz LNG qazına emal olunacaq və sonra Hindistana ixrac olunacaq.
Fərzad qaz yataqlarından qaz hasilatına 2006-cı ildən başlanılıb. Hazırda Hindistanın ONGC və İndin oil şirkətləri müştərək şəkildə bu yataqlardan qaz hasilatı ilə məşğuldur.
