Azərbaycan, Bakı, 21 aprel / Trend /
Sənaye və energetika naziri Natiq Əliyevin rəhbərlik etdiyi Azərbaycan nümayəndə heyəti "Avropa ölkələrinə təbii qaz: təhlükəsizlik və tərəfdaşlıq" mövzusunda keçiriləcək sammitdə iştirak edəcək. Bu barədə nazirliyin məlumatında bildirilir.
Sammit Bolqarıstan paytaxtı Sofiya şəhərində keçiriləcək. Avropanın enerji təhlükəsizlik məsələlərinin müzakirə olunacağı görüşlər zamanı layihə iştirakçıları olan ölkələrlə tranzit ölkələr arasında "Nabukko" layihəsi çərçivəsində "Dəhliz sazişi"nin imzalanması planlaşdırılır.
Sammitdə doqquz ölkənin prezidenti iştirak edəcək.