Azərbaycan, Bakı, 19 may / Trend , müxbir N.İsmayılova /
Azərbaycanda apreldə "vahid pəncərə" sistemi vasitəsilə Böyük Britaniyanın Aquaterra Energy Ltd. maşınqayırma şirkətinin filialı qeydiyyata alınıb. Bu barədə Vergilər Nazirliyinin məlumatında bildirilir. Onun təsisçisi Böyük Britaniya vətəndaşı Corc Morrison olub. Təşkilat vergi orqanlarında 2009-cu il 14 aprel tarixində qeydiyyata dayanıb.
Aquaterra Energy Ltd. - Böyük Britaniyanın Noric şəhərində yerləşən offşor maşınqayırma şirkətidir. Son üç ildə şirkətin satış səviyyəsi 30 mln. dollara çatıb, o, dünyanın 17 ölkəsində 50-dən artıq müştəriyə xidmət göstərir. Şirkət beynəlxalq offşor neft-qaz sənayesində xidmət göstərməklə məşğul olur.
Məqalə müəllifi ilə əlaqə ünvanı: [email protected]
